Хартыя-97 трапіла ў беларускі спіс забароненых сайтаў?
Доступ да сайту з Акадэміі навук праз сетку BASNET заблакаваны. Старонка можа быць недаступнай і ў некаторых іншых установах.
Гэта можа быць звязана з указам №60.
BASNET — гэта найбуйнейшая і найбольш развітая навуковая кампутарная сетка Рэспублікі Беларусь. Яна забяспечвае аўтаномны доступ да сусветных кампутарных сетак праз агульнаеўрапейскую сетку GEANT, абмінаючы шлюз “Белтэлекаму”.
У выпадку, калі інфармацыя пра ўвядзенне цэнзуры ў акадэмічнай сетцы пацвердзіцца, калектыў Хартыі’97 мае намер паведаміць пра гэта еўрапейскім партнёрам правайдэра. Можа быць пастаўленае пытанне пра мэтазгоднасць супрацоўніцтва з сеткай, якая выкарыстоўвае магчымасці еўрапейскай навуковай і адукацыйнай сістэмы для палітычнай цэнзуры.
