Кіраўніцтва ХК "Брэст" выдала Алесю Леўчуку акрэдытацыю на свае гульні

Як паведаміў Еўрарадыё незалежны журналіст, ад такога абяцання ён адмовіўся. Праўда, Ляўчук запэўніў дырэктара ХК "Брэст", што ў наступных скандальных справах каманды абавязкова возьме каментар і ў яго.

Нагадаем, што пра забарону прысутнічаць на брэсцкіх гульнях чэмпіянату Беларусі па хакеі Ляўчук даведаўся ад прэс-службы хакейнага клуба "Брэст". Афіцыйных тлумачэнняў не было: яму проста паведамілі, што рашэнне прыняў асабіста дырэктар клуба Вадзім Драчоў. Журналіст упэўнены, што гэтак яму помсцяць за крытычныя матэрыялы пра клуб.

Пытанне пра акрэдытацыю Леўчука разглядалі 4 верасня на адмысловым паседжанні. Згоду на акрэдытацыю даў асабіста начальнік аддзела па спорце і фізкультуры Брэсцкага аблвыканкама Мікалай Хевук.

Алесь Ляўчук: "Я думаю, яны не маглі мне не даць акрэдытацыю, бо гэта выглядала б проста смешна. Спадар Драчоў вырашыў перастрахавацца і запытаў у вышэйшага кіраўніцтва, ці можна даць чалавеку акрэдытацыю альбо не. Гэта добры прыклад рэальнага маразму, які адбываецца ў Беларусі на працягу апошніх 17 гадоў. У выніку загублена ўсё, у тым ліку і ўлюбёны прэзідэнтам хакей".

Дарэчы, першая хатняя гульня ХК "Брэст" у рамках адкрытага чэмпіянату Беларусі пройдзе 6 верасня. Брэстаўчане будуць прымаць на стадыёне гасцей з Салігорску — клуб "Шахцёр".

Фота Міланы Харытонавай