Літва заяўляе, што на яе тэрыторыю з Беларусі прыляцеў самалёт
Здарэнне адбылося 18 верасня. У сувязі з гэтым Літва ўручыла Беларусі дыпламатычную ноту.
Літоўскі бок паведамляе, што каля 17-й гадзіны 18 верасня з боку Беларусі прыляцеў неўсталяваны авіялайнер. Ён прабыў на літоўскай тэрыторыі некалькі дзясяткаў секундаў, пасля чаго вярнуўся ў Беларусь.
Беларусь на гэтыя прэтэнзіі пакуль не адрэагавала. Прэс-сакратар МЗС Андрэй Савіных не змог пацвердзіць БелаПАН інфармацыю пра ноту літоўскіх дыпламатаў.
