Лукашэнка раздаў генеральскія пагоны пяці палкоўнікам
У пятніцу стала вядома, што кіраўнік дзяржавы падпісаў указы аб прысваенні чарговых званняў вышэйшым афіцэрам МУС, войска і МНС.
Генерал-маёрамі міліцыі сталі палкоўнікі Аляксандр Барсукоў (начальнік ГУУС Мінгарвыканкаму, на здымку — злева) і Мікалай Мельчанка (намеснік міністра ўнутраных спраў, начальнік міліцыі грамадскай бяспекі (са студзеня 2012-га). Генерал-маёрамі сталі таксама Алег Дзвігалёў — камандуючы Ваенна-паветранымі сіламі і супрацьпаветранай абаронай (з верасня мінулага года) Узброеных сілаў Беларусі і Ігар Лацянкоў — намеснік міністра абароны па ўзбраенні (з красавіка 2012-га).
Спецыяльнае званне генерал-маёра ўнутранай службы атрымаў Генадзь Ласута, намеснік міністра па надзвычайных сітуацыях.
Фота — guvd.gov.by
