Лукашэнка: За "Беларуськалій" — 30 мільярдаў на стол!
Кіраўнік Беларусі ацэньвае кошт ААТ "Беларуськалій" у 30 млрд долараў.
Аляксандр Лукашэнка не выключае, што з 1 ліпеня гэта сума будзе індэксавацца з улікам інфляцыі долара. Пра гэта кіраўнік дзяржавы заявіў 10 чэрвеня на нарадзе па пытаннях развіцця прадпрыемства.
"Што да "Беларуськалія", то я выразна сказаў — 30 млрд долараў на стол, а з 1 ліпеня гэта сума будзе індэксавацца на ўзровень інфляцыі долара", — перадае БЕЛТА словы Лукашэнкі.
Па яго словах, кошт "Беларуськалія" з 1 ліпеня можа быць не 30 млрд долараў, а 30 млрд 10 млн.
