Магілёў: не дасцё сацыяльнага малака — не пойдзем на выбары
93 магілёўцы накіравалі калектыўны зварот прэзідэнту Беларусі, старшыні Цэнтрвыбаркаму і старшыні Магілёўскага аблвыканкаму.
У сваім лісце яны паведамляюць, што будуць байкатаваць парламенцкія выбары праз адсутнасць на прылаўках крамаў сацыяльнага малака.
Паводле падпісантаў, іх не задавальняе малако з дабаўкамі, якое прадаецца жыхарам горада па завышаных коштах. Яны просяць, каб у крамы зноўку пачало паступаць звычайнае малако.
Трэба адзначыць, што ўсе падпісанты пражываюць на тэрыторыі Магілёўскай-Ленінскай выбарчай акругі №84.
