Мінск не ведае, колькі грошай папрасіць у МВФ
Беларусь не вызначылася з сумай крэдыту, які можа папрасіць у Міжнароднага валютнага фонду.
Пра гэта паведаміў намеснік міністра фінансаў Уладзімір Амарын. Па яго словах, невядомыя нават тэрміны, калі будзе вызначаны памер запрошанага крэдыту, перадае БелаПАН.
Нагадаем, місія МВФ працавала ў Беларусі з 1 па 13 чэрвеня. Па выніках яе працы фонд прапанаваў беларускаму ўраду і Нацбанку правесці поўную лібералізацыю на ўсіх сегментах валютнага рынку і ўніфікацыю абменнага курсу рубля.
