"Міжнародная амністыя" прызнала Андрэя Пачобута вязнем сумлення
Як адзначаецца ў заяве арганізацыі, беларускі журналіст арыштаваны ў сувязі з рэалізацыяй свайго законнага права на свабоду выказванняў.
"Міжнародная амністыя" расцэньвае сітуацыю з Пачобутам як "частку карціны запалохвання актывістаў грамадзянскай супольнасці і журналістаў".
Арганізацыя заклікае ўсіх, хто спачувае Пачобуту, накіроўваць беларускім уладам лісты з заклікам неадкладна яго вызваліць.
Нагадаем, што беларускі карэспандэнт польскай "Газеты выборчай" Андрэй Пачобут быў затрыманы 21 чэрвеня ў сябе дома. У дачыненні да журналіста распачатая справа за паклёп на кіраўніка краіны.
