Вынікі ўкраінскіх выбараў: падтрымка апазіцыі расце
Увечары 31 кастрычніка ў Кіеве ЦВК агучаныя лічбы, атрыманыя на парламенцкіх выбарах па партыйных спісах пасля падліку 99,01% пратаколаў.
Лідарства працягвае трымаць Партыя рэгіёнаў — 30,11% (пасля падліку 97,12% было 30,37%). Апазіцыйная партыя "Усеўкраінскае аб'яднанне "Бацькаўшчына" — 25,44% (25,26%). Партыя "Украінскі дэмакратычны альянс за рэформы (УДАР) Віталя Клічко" — 13,92% (13,81%). У Камуністычнай партыі — 13,21% (13,33%), у партыі "Усеўкраінскае аб'яднанне "Свабода" — 10,41% (10,28%).
Нагадаем, выбары ў Вярхоўную раду Украіны прайшлі 28 кастрычніка. Канчатковыя іх вынікі ЦВК мусіць агучыць да 12 лістапада.
Фота — rian.ru
