Намесніка старшыні партыі “Справядлівы свет” затрымалі на мяжы
Валерыя Ухналёва 6 студзеня ўвечары знялі з цягніка “Вільня — Мінск” на станцыі “Гудагай”.
Палітыка праверылі, нічога забароненага ў яго не знайшлі і адпусцілі. Але бліжэйшага цягніка да Мінска яму давялося чакаць да 2 гадзіны ночы, паведамляе сайт UDF.by. Валерый Ухналёў звязвае гэтае затрыманне з пачаткам уладамі новай палітычнай кампаніі. Як вядома, увосень у Беларусі пройдуць парламенцкія выбары.
Палітык мяркуе, што ўлады зноў актывавалі свае “чорныя спісы”, у якія ўключаюць найбольш актыўных апанентаў рэжыму.
