Парад Шумана ў Варшаве прайшоў пад бел-чырвона-белымі сцягамі (фота)
З нагоды Дня Еўропы ва ўсіх сталіцах Еўрасаюза ладзяцца святочныя шэсці. 12 траўня парад Шумана прайшоў па вуліцах Варшавы.
У парадзе прынялі ўдзел прадстаўнікі розных краінаў са сваімі нацыянальнымі сцягамі. Беларусы Варшавы прыйшлі на парад пад бел-чырвона-белымі сцягамі. Арганізатары звярнулі ўвагу на прысутнасць беларусаў. Са сцэны яны выказалі сваю салідарнасць з беларускім народам.
Сёлета колькасць удзельнікаў параду была меншай, чым у мінулыя гады — паўплывала кепскае надвор’е.
Парад Шумана праводзіцца штогод з 1993 года. Назву ён атрымаў у гонар ідэолага стварэння Еўрапейскага Саюза — былога міністра замежных справаў Францыі Рабера Шумана.
