Партыя Віктара Юшчанкі “Наша Украіна” самаліквідуецца
З’езд арганізацыі прайшоў 2 сакавіка ў Кіеве, але без удзелу яе заснавальніка і лідара — экс-прэзідэнта Украіны Віктара Юшчанкі.
На з’ездзе было прынятае рашэнне пра самаліквідацыю. Дзеля гэтага стварылі ліквідацыйную камісію на чале з Пятром Юшчанкам, братам былога прэзідэнта.
У пачатку лютага паведамлялася, што кіеўская арганізацыя “Нашай Украіны” выключыла Юшчанку з шэрагаў партыі. Аднак пазней прыхільнікі палітыка паведамілі, што ён застаецца ў арганізацыі.
На парламенцкіх выбарах “Наша Украіна” не здолела пераадолець пяціадсоткавы бар’ер і набрала крыху болей за адзін адсотак галасоў выбаршчыкаў, інфармуе ВВС.
