Пасля журналісцкай крытыкі МУС паправіў звесткі пра памілаваных
У МУС заявілі, што інфармацыя пра 156 памілаваных прэзідэнтам смяротнікаў не адпавядае рэчаіснасці, піша tut.by.
У міністэрстве кажуць пра тое, што журналісты няправільна палічылі і прачыталі фармулёўку. Маўляў, фармулёўку "Колькасць асуджаных, якім смяротнае пакаранне заменена ў парадку памілавання пажыццёвым зняволеннем" трэба змяніць на "Колькасць асуджаных, якія знаходзяцца ў месцах пазбаўлення волі, якім смяротнае пакаранне заменена пажыццёвым зняволеннем".
Тым часам на сайце МУС да нядаўняга часу была менавіта такая "няправільная" фармулёўка. Цяпер, скарыстаўшыся ўласнай парадай, міліцыянты яе замянілі.
Колькі ж сапраўды памілаваў Лукашэнка, МУС не паведамляе.
А вось так было раней!
