Пацярпелыя ў метро расіянкі заўтра пакінуць Мінск
Грамадзянкі Расіі Вольга Фралова і Надзея Лукава, пацярпелыя ў часе тэракту, будуць выпісаныя з мінскай лякарні 13 красавіка.
Пра гэта паведаміў РІА Новости галоўны лекар палявога шпіталя Цэнтра медыцыны катастроф "Абарона" Мініздароўя і соцразвіцця Расіі Валеры Шабанаў.
"Яны вясёлыя, добра сябе адчуваюць і заўтра раніцай пакінуць Мінск. Квіткі на цягнік да роднага Саратава ў іх ужо на руках", — сказаў ён.
Адна з расіянак — Фралова - атрымала асколачнае раненне мяккіх тканак галёнкі. Ёй зроблена ўшыванні раны. Лукава цялесных пашкоджанняў не атрымала. Яна атруцілася прадуктамі гарэння.
Расійскія лекары, сярод якіх траўматолагі, нейрахірургі, рэаніматолагі найбуйнейшых расійскіх медыцынскіх цэнтраў, уключна з інстытутамі Скліфасоўскага і Бурдэнка, пакуль не агледзелі трэцяга пацярпелага грамадзяніна Расіі, студэнта Белдзяржуніверсітэта, які знаходзіцца ў 5-й гарадской лякарні Мінска.
Па словах Шабанава, большасць пацярпелых атрымалі мінна-выбуховыя траўмы і раненні. Большасць з агледжаных ім пацыентаў у лякарні хуткай дапамогі, ваенным шпіталі, некалькіх лякарнях, атрымалі пранікальныя раненні аскепкамі бетону і гранітнай дробкай.
"Сярод пацярпелых — досыць шмат цяжкіх. Толькі ў 5-й лякарні зроблена 5 ампутацый. Сярод больш за сотню пацярпелых нямала тых, што атрымалі кантузіі рознай ступені цяжкасці", — распавёў Шабанаў.
