Польскія праваабаронцы просяць Лукашэнку памілаваць Канавалава і Кавалёва
З адпаведнай заявай да беларускага кіраўніка звярнуўся Хельсінскі фонд правоў чалавека і група “Гарызонт — супраць смяротнага пакарання”.
Паводле падпісантаў звароту "такі гуманны крок быў бы вартым краіны, якой спадар Лукашэнка кіруе”. Арганізацыя лічаць, што выкарыстанне памілавання да асуджаных за тэракт у метро Дзмітрыя Канавалава і Уладзіслава Кавалёва было б прыкметай сілы, а не слабасці Беларусі.
"Запэўніваем ахвяраў тэракту, і вас, спадар прэзідэнт, што мы асуджаем гэты акт, але лічым, што смяротнае пакаранне супярэчыць асноўным правам чалавека", — гаворыцца ў заяве.
Фота: udf.by
