Працягваюцца суды над удзельнікамі акцыі ў Брузгах
Іх судзяць у Ленінскім судзе Гродна.
Паводле звестак сайту "Вясна", у судзе разглядаюць адміністрацыйныя справы васьмі мясцовых прадпрымальнікаў. Некалькі чалавек, паводле папярэдняй інфармацыі, ужо атрымалі штрафы ў памеры 700 тысяч рублёў (20 базавых велічыняў).
Нагадаем, што напярэдадні былі асуджаныя 14 удзельнікаў акцыі пратэсту 12 чэрвеня. Іх суд Гродзенскага раёну аштрафаваў па 2 млн 600 тысяч рублёў кожнага. Таксама міліцыянты паведамлялі, што агулам затрыманых 22 чалавекі.
