Праваабаронца Алег Воўчак папоўніў спіс невыязных
Падставай для забароны на выезд за мяжу стаў ліст Міністэрства юстыцыі ад 5 сакавіка.
Воўчак назваў гэта "грубейшым парушэннем Канстытуцыі". На яго погляд, стварэннем спісу невыязных "улада паказвае сваю слабасць". Цяпер праваабаронца рыхтуе ліст у пракуратуру, каб атрымаць адказ, на якой падставе ў Беларусі быў створаны "чорны спіс", паведамляе "Белорусский партизан".
Нагадаем, у спіс невыязных з Беларусі патрапілі апазіцыйныя палітыкі, грамадскія дзеячы, правабаронцы, журналісты.
Фота — bymedia.net
