Сям’і сакратара БХД пагражаюць сацыяльныя педагогі
Умовы ўтрымання дзяцей Дзяніса Садоўскага прыходзіла правяраць супрацоўніца сацыяльна-педагагічнага цэнтру Савецкага раёна Мінска.
Візіт адбыўся 5 кастрычніка па месцы прапіскі грамадскага актывіста, які з'яўляецца бацькам трохгадовага сына і пяцімесячнай дачкі. Галіна Мікалаеўна Гаўрылава шукала Садоўскага, але не знайшоўшы яго па месцы рэгістрацыі, стала груба пагражаць яго сям’і праблемамі і абяцала шукаць яго з міліцыяй, інфармуе прэс-служба БХД.
Адказны сакратар Беларускай хрысціянскай дэмакратыі Дзяніс Садоўскі быў адным з каардынатараў байкоту ў Мінску. 28 жніўня ён быў затрыманы падчас расклейвання плакатаў за байкот выбараў і асуджаны ў судзе Фрунзенскага раёну Мінска да 10 сутак арышту.
