У Барысаў прыедзе сапраўдны Напалеон
Нашчадак славутага імператара Францыі стане ганаровым госцем мерапрыемстваў, прысвечаных 200-м угодкам вайны 1812 года.
Мерапрыемствы пройдуць у Барысаве і Барысаўскім раёне, інфармуе БЕЛТА. Шарль Напалеон прыйдзе ў складзе французскай дэлегацыі. У яе ўвойдуць прадстаўнікі дыпламатычных колаў.
Госці папрысутнічаюць на набажэнстве ў памяць пра загінулых у вайне, якое адбудзецца ў барысаўскім касцёле Нараджэння Панны Марыі. Запланаванае наведванне месцаў захавання ў вёсцы Студзенка і ўскладанне вянкоў да помнікаў і магіл. Таксама дэлегаты далучацца да міжнароднага мітынгу-рэквіему на Брылеўскім полі, пасля якога адбудуцца паказальныя выступы з удзелам ваенна-гістарычных клубаў і ўніфармацскіх грамадскіх аб’яднанняў.
