У Брэсце дзяцей з неўладкаваных сем'яў давучваюць гаварыць па-беларуску
Дзеля гэтага ў прытулку на сценах развесілі словы і фразы з размоўніка: “Смачна есці”, “Прабач, прабачце”, “Дзякуй”.
“Гэтыя словы дзеці афармлялі самі, — тлумачыць Валянціна Хвалюк, намесніца дырэктара сацыяльна-педагагічнага цэнтра, пры якім працуе прытулак для дзяцей з неўладкаваных сем’яў. — Даводзіцца нам давучваць іх жывой беларускай мове, бо дзе ім яшчэ яе пачуць, пасля школы...”
У прытулку 18 дзяцей ад 6 да 16 гадоў. Яны ходзяць у школы паблізу, потым у прытулку імі апякуюцца педагогі. Пад іх кантролем дзеці робяць хатнія заданні, адпачываюць, сустрацаюцца з роднымі.
