У Мінску моладзевых актывістаў затрымалі пры дапамозе спецназа
Спачатку ў кватэру ўварваліся супрацоўнікі крымінальнага вышуку, якія пасля выклікалі нарад спецназа для вывазу затрыманых.
У кватэры знаходзіліся Сяржук Гумінскі, Андрусь Кастусёў, Дзмітрый Якубоўскі, Руслан Канавалаў, Кацярына Гензанская, а таксама грамадзянін Польшчы Крыстафор Кірджык.
Міліцыянты перапісалі дадзеныя ўсіх маладзёнаў, выклікалі нарад спецназа. Праз некаторы час з кватэры вывелі некалькі чалавек і павезлі іх на дзвюх машынах, паведамляе праваабарончы цэнтр "Вясна".
