У Мінску затрымалі адваката расійскага апазіцыянера
Максім Караткоў-Гуляеў быў абаронцай Рыхарда Собалева, аднаго з фігурантаў справы аб беспарадках на Балотнай плошчы.
Адваката затрымалі беларускія спецслужбы, пра гэта ён паведаміў сваім калегам па тэлефоне, піша Газета.ру. Яго суразмоўца, адвакат Аляксандр Васільеў кажа, што ў затрыманага расіяніна, напэўна, было з сабой 500 тысяч долараў.
На гэтым тыдні у кватэры Караткова-Гуляева прайшоў ператрус, падчас якога паліцыя канфіскавала дасье на Собалева і буйную суму грошай. Пры гэтым ён заявіў, што сам выклікаў паліцыю, каб паведаміць аб нейкім правапарушэнні. У кіраўніцтве маскоўскага МУС сказалі, што паліцыянты выявілі дома ў Караткова-Гуляева муляж гранаты і адвезлі яго ў АУС для дачы тлумачэнняў.
