Украіна далучаецца да вайсковых вучэнняў на Ашулуку
Украінскія вайскоўцы прымуць удзел у беларуска-расійскіх вайсковых вучэннях "Шчыт Саюза —2011" на расійскім палігоне Ашулук.
Пра гэта паведаміў міністр абароны Украіны Міхаіл Ежаль сёння журналістам на брыфінгу ў Кіеве.
Ежаль: "Сапраўды, на сустрэчы трох міністраў месяцы тры таму мы дамовіліся, што нашы падраздзяленні, рота, будзе ўдзельнічаць у гэтых вучэннях".
Міністр не ўдакладніў колькасць вайскоўцаў і тэхнікі, якія будуць напраўленыя на палігон Ашулук.
Нагадаем, што вучэнні пройдуць 16-22 верасня. На іх плануецца залучыць каля 12 тысяч расійскіх вайскоўцаў і каля 7 тысяч беларускіх, а таксама каля 50 самалётаў і верталётаў, каля 100 танкаў ды іншай вайсковай тэхнікі.
