Віктар Шэндэровіч: "Смешна тое, што праўда"
У Таліне адбылася сустрэча беларусаў з расійскім пісьменнікам-сатырыкам Віктарам Шэндэровічам.
Сустрэча была арганізаваная спецыяльна ў рамках IV Кангрэса новай беларускай дыяспары, але на ёй таксама прысутнічалі музыкі, удзельнікі кампаніі "Адкрывай Еўропу — Адкрывай Беларусь".
Зала слухала вельмі ўважліва і задавалі шмат пытанняў, але ж прамова спадара Шэндэровіча была гарманічнай і "па тэме": на прыкладах Расіі і іншых краін, на прыкладзе кур'ёзаў з жыцця і цяперашніх анекдотаў ён шмат разоў выклікаў хвалі шчырага смеху.
Віктар Шэндэровіч: "Сатыра ва ўмовах дыктатуры — гэта калі энергія, якая не знайшла выхад у свабоднай прэсе, у бізнэсе, у магчымасцях свабодна выбіраць, выплёскваецца ў гумар. І тады гэта проста выстрэльвае! Чым горш у краіне сітуацыя, тым больш пранізліва людзі жартуюць і смяюцца"
