Віцебскі баскетбольны клуб “Лакаматыў-КіС” перайменавалі ў “Рубон”
Рубонам у старажытнасці называлі Заходнюю Дзвіну, і з гэткім жа поклічам ішлі ў бой полацкія ваяры.
Упершыню пад новай назвай віцебскія баскетбалісты выйдуць на пляцоўку ў першым матчы 20-га чэмпіянату Беларусі. 21 кастрычніка дома яны будуць змагацца з СБК “Асіповічы”.
Да гэтага віцебская каманда мела двайную назву ў гонар сваіх спонсараў — чыгункі і мясцовага прадпрыемства “КіС”, вытворцы верхняй вопраткі і трыкатажу. А яшчэ раней называлася “Шыком”, проста “Лакаматыў”, паведамляе сайт “Народныя навіны Віцебска”.
