Вынікі даследавання: чвэрць запісаў у Twitter — смецце

Амаль паўтары тысячы чалавек на працягу 19 дзён ацэньвалі запісы ў 2 тысячах акаўнтаў. Высветлілася, што цікавасць карыстальнікаў выклікаюць толькі 36% запісаў, якія з'яўляюцца ў Twitter, 25% твітоў раздражняюць, а 39% пакідаюць людзей абыякавымі.

Даследчыкі прыйшлі да высновы, што папулярным не можа быць твіт, які ўтрымлівае старую навіну. Пры гэтым сярод запісаў з нейкай новай інфармацыяй найбольшую ўвагу прыцягваюць твіты з эмацыйнай ацэнкай паведамлення, адзначае Газета.Ru.