Выступ Лукашэнкі з пасланнем парламенту запланаваны на 19 красавіка
Пра гэта сведчыць графік працы Палаты прадстаўнікоў на красавік 2013 года.
Там пазначанае сумеснае пасяджэнне Палаты прадстаўнікоў і Савета Рэспублікі, на якім мусіць адбыцца зварот Аляксандра Лукашэнкі "з Пасланнем да беларускага народу і Нацыянальнага сходу".
Нагадаем, летась Аляксандр Лукашэнка выступаў з падобным пасланнем 8 траўня. Яно было таксама спачатку запланаванае на 19 красавіка, але кіраўнік дзяржавы адправіў тэкст на дапрацоўку.
