За тры дні нямецкі турыст пакінуў у Белавежскай пушчы 450 тысяч еўра
Пра гэты выпадак распавёў намеснік міністра спорту і турызму Беларусі Чэслаў Шульга.
Немец наведваў Белавежскую пушчу некалькі тыдняў таму. Ён прыехаў, каб папаляваць на зуброў, інфармуе БЕЛТА. Менавіта з гэтым паляваннем і звязаныя такія значныя выдаткі замежнага турыста. Дарэчы, Шульга не кажа, колькі зуброў застрэліў немец, але адзначае, што гэта не адна асобіна.
