Жыхарка Жлобіна нарадзіла другую двойню запар
Пяць гадоў таму Святлана Сямчэня стала мамай дзвюх дачок — Віялеты і Сабрыны, а цяпер у яе двое хлопчыкаў — Мацвей і Уладзіслаў.
Святлана працуе на жлобінскім хлебазаводзе, яе муж — на прадпрыемстве па вытворчасці дзвярэй. Летась сям’я перасялілася ў трохпакаёвую кватэру, за якую плаціць крэдыт. Цяпер Сямчэні лічацца шматдзетнымі, таму выплаты па крэдыце для іх зменшацца, перадае БЕЛТА.
У Гомельскай вобласці ў першым паўгоддзі сёлета нарадзілася 7750 дзяцей, з іх 66 — двойні і 3 — тройні.
