Royal Blood знялі відэа на дэбютны сінгл (відэа)
Так захацела кампанія Warner Music, якая палічыла што гэта яшчэ павысіць папулярнасць гурта.
Рокеры Royal Blood знялі кліп на свой самы першы сінгл, выпушчаны яшчэ ў 2013-м годзе — "Out Of The Black". Песня падтрыманая крывавым крымінальным ролікам аўтарства Крысці Каракаса і аніматара Дэвіда Уілсана, вядомага па працы з Arctic Monkeys і іншымі музыкамі.
Вярнуцца да "Out Of The Black" Royal Blood прымусіў лэйбл Warner Music, з якім у гурта падпісаныя кантракты. Кампанія палічыла, што такім чынам папулярнасць каманды яшчэ павысіцца.
Нагадаем, кампазіцыя ўвайшла ў склад дэбютнага альбома гурта Royal Blood, выдадзенага ў жніўні 2014-га. Пласцінка адразу ўзначаліла брытанскі хіт-парад і была прызнаная самым паспяховым рок-дэбютам у Брытаніі за апошнія тры гады. Варта заўважыць, што на час выхаду лонгплэя дуэту з Брайтана ледзь споўніўся год. Пад канец 2014-га лонгплэй узначаліў рэйтынг лепшых альбомаў года, складзены чытачамі аўтарытэтнага музычнага выдання NME.
На дадзены момант Royal Blood прэтэндуюць на прэмію NME Awards-2015 у катэгорыях "Лепшы гурт" і "Галоўны прарыў года". Цырымонія ўзнагароджання пройдзе ў Лодане 18 лютага.
Паводле: music.com.ua
Фота: www.bbc.co.uk