Святлана Ціханоўская распавяла, навошта ляціць ў ЗША

22 верасня пачнецца афіцыйы візіт Святланы Ціханоўскай у Злучаных Штатах Амерыкі.

Пра гэта прадстаўніца дэмакратычных сілаў Беларусі распавяла ў сваім тэлеграм-канале.

“Галоўная мэта паездкі — удзел у Генеральнай асамблеі ААН. Гэта магчымасць вярнуць Беларусь на міжнародны парадак дня, узняць актуальныя для беларусаў пытанні, а таксама вырашыць практычныя праблемы.

Гэта тычыцца і легалізацыі за мяжой, і дапамогі рэпрэсаваным, і падтрымкі незалежных медыя.

Каб вывесці Беларусь з крызісу, нам патрэбна падтрымка вялікіх краінаў і міжнародных арганізацыяў. Я правяду шэраг двухбаковых сустрэчаў, але будуць і закрытыя перамовы. Разам з прадстаўнікамі Еўрасаюза мы правядзем слуханні па палітвязнях.

Удзел возмуць міністры замежных справаў шэрагу еўрапейскіх краінаў, Мы абмяркуем не толькі шляхі вызвалення палітвязняў, але і спосабы падрымкі тых, хто пацярпеў ад рэпрэсіяў.

Пасля Генасамблеі я накіруюся ў Вашынгтон, а потым у Філадэлфію і Чыкага. І вядома я сустрэнуся з мясцовымі беларусамі, а гэта, як вы ведаеце, мая любімая частка кожнага візіту. Я буду трымаць вас у курсе па выніках усіх сустрэчаў. 

Жыве Беларусь!”