Сайт nn.by зноў не працуе

Сайт nn.by зноў не працуе. Увечары 30 чэрвеня рэдакцыя паведаміла, што па яе звестках рашэнне аб адключэнні прынятае Аператыўна-аналітычным цэнтрам пры прэзідэнце. "Наша ніва" заклікае яе чытаць на сайце Nashaniva.by і ў сацсетках.

З 25 чэрвеня чытаць незалежнае выданне даводзілася па іншым адрасе, паколькі рэдакцыя прапусціла момант, калі трэба было заплаціць за рэгістрацыю дамена. 30 чэрвеня стала вядома, што праблему нібыта ўдалося вырашыць і nn.by стаў даступны. Як аказалася, ненадоўга.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.