Сенсацыя чэмпіянату свету па футболе: зборная Марока перамагла каманду Іспаніі
Футбалісты Марока выйшлі ў чвэрцьфінал / Getty Images
На чэмпіянаце свету па футболе, які праходзіць у Катары, сёння адбылася сенсацыя: зборная Марока перамагла каманду Іспаніі і выйшла ў чвэрцьфінал.
Гульня ў асноўны час скончылася ўнічыю — 0:0. А ў серыі пенальці мараканцы перамаглі.
Каманда Марока выйшла ў чвэрцьфінал чэмпіянату свету па футболе упершыню ў гісторыі.
Яе сапернікам стане пераможца пары Партугалія-Швейцарыя.
