Сейм Літвы прызнаў Святлану Ціханоўскую абраным лідарам Беларусі
10 верасня Сейм Літвы прызнаў Святлану Ціханоўскую абраным лідарам Беларусі, а Аляксандра Лукашэнку — нелегітымным кіраўніком. Пра гэта гаворыцца ў спецыяльнай рэзалюцыі Сейма.
Дэпутаты Сейма падтрымалі патрабаванне Ціханоўскай і Каардынацыйнай рады пра новыя празрыстыя і дэмакратычныя парламенцкія і прэзідэнцкія выбары ў Беларусі.
Усе дзеянні Лукашэнкі ва ўнутранай і міжнароднай палітыцы яны расцэньваюць як накіраваныя на легітымізацыю яго кіравання. Падпісанне новых міжнародных пагадненняў з Расіяй яны лічаць злачынствам беларускага рэжыму супраць свайго народа.
За рэзалюцыю прагаласаваў 91 дэпутат Сейма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
