СК: у ДТЗ пад Віцебскам загінуў чалавек, двое пацярпелі
Фота Следчага камітэта
Увечары 14 кастрычніка ў Віцебскім раёне, на 67-м кіламетры аўтадарогі "мяжа РФ — Віцебск — Гомель — мяжа Украіны" адбылося ДТЗ, паведамляе Следчы камітэт у сваім Telegram-канале. Сутыкнуліся аўтамабілі "Мерсэдэс" і "Рэно". Тры чалавекі, якія ехалі ў "Рэно", атрымалі траўмы. Адзін з іх памёр на месцы здарэння. Кіроўца "Мерсэдэса" не пацярпеў.
