Соль на мінскіх вуліцах будуць "абясшкоджваць" бактэрыямі
"Гаррамаўтадар Мінгарвыканкама" не збіраецца адмаўляецца ад солі, якой пасыпаюць вуліцы ўзімку. Аднак яе шкоднае ўздзеянне на расліны плануюць знізіць. Для гэтага камунальнікі супрацоўнічаюць з навукоўцамі Акадэміі навук
У каментары "Мінск-Навінам" намеснік гендырэктара прадпрыемства Алег Лукашэнка падзяліўся падрабязнасцямі:
"Эксперымент ўжо ідзе: вызначаныя ўчасткі, на якіх унесеныя спецыяльныя бактэрыі. Але казаць пра нейкія вынікі можна будзе не раней за 2021 ці 2022 год".
Як кажуць эколагі, галіт (тэхнічная соль), якая выкарыстоўваецца ў Беларусі, вельмі шкодны для экасістэмы гарадоў і бліжэйшых сельскіх тэрыторый. Адбываецца засаленне глебы, парушэнне кіслотна-шчолачнага балансу вады. Ад солевых сумесяў пакутуюць і хатнія жывёлы, якім соль трапляе на лапы падчас прагулак, што выклікае раздражненне і алергію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
