Стала вядома, за што затрымалі Ігара Ільяша

Набліжаны да сілавікоў тэлеграм-канал выклаў "пакаяльнае" відэа з журналістам Ігарам Ільяшом. Ён — муж палітзняволенай Кацярыны Андрэевай.

Сілавікі сцвярджаюць, што ён "разам з жонкай займаўся спрыяннем экстрэмісцкім фарміраванням і зборам звестак для замежных разведак".

У гэтым відэа Ільяш кажа, што больш за тры гады (з траўня 2018 да ліпеня 2021) "з'яўляўся кадравым супрацоўнікам" тэлеканала "Белсат", а пазней стаў журналістам-фрылансерам і даваў інтэрв'ю медыя, якія былі прызнаныя "экстрэмісцкімі фарміраваннямі".

Таксама ён расказаў, што даваў каментары ўкраінскім журналістам пра магчымы ўдзел Беларусі ў вайне супраць Украіны.