Старшыня Ваўкавыскага райвыканкама прызнаў, што людзі не чытаюць прапаганду

Нарада ў Ваўкавыскім райвыканкаме

Нарада ў Ваўкавыскім райвыканкаме / volkovysknews.by

На пашыраным пасяджэнні Ваўкавыскага райвыканкама пад кіраўніцтвам яго старшыні, члена Савета Рэспублікі Дзмітрыя Захарчука разглядаліся "планавыя пытанні". У прыватнасці, гаварылі пра звароты грамадзян. Захарчук, аналізуючы працу з імі, прыйшоў да сумнай для цяперашняй улады высновы.

"Людзі павінны ведаць аб планах па добраўпарадкаванні, навядзенні парадку, аб тым, што ў прынцыпе робіцца ў горадзе і раёне, — гаварыў на нарадзе старшыня райвыканкама. — А так атрымліваецца: інфармацыя ў СМІ і сацыяльных сетках публікуецца, а пытанні на гэтыя тэмы на прыёмах і на сустрэчах з працоўнымі калектывамі людзі задаюць. Значыць, не чытаюць ні газету, ні інтэрнэт?".

Было вырашана зрабіць "сур'ёзныя высновы". Якім чынам чыноўнікі збіраюцца заахвоціць людзей чытаць прапаганду, невядома.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі