Суд над моладзевымі актывістамі перанесены на 28 траўня

Суд над моладзевымі актывістамі, якія абвінавачваюцца ў дзейнасці ад імя незарэгістраванай арганізацыі, перанесены на 28 траўня.
Раней пачатак працэсу з Савецкім судзе Мінску быў прызначаны на 30 траўня. Прычыны пераносу невядомыя. Нагадаем, што судзіць будуць «маладафронтаўцаў» Змітра Хведарука, Барыса Гарэцкага, Насту Палажанку, Алега Корбана і Аляксея Янушэўскага. Праўда, апошні ўжо ўцёк за мяжу і зараз знаходзіцца ў Чэхіі.  

БелаПАН