Супраца выбарчых штабоў — ці магчыма і ці не запозна спахапіліся?
За месяц да дня галасавання і пасля фактычна сыходу з дыстанцыі двух асноўных альтэрнатыўных прэтэндэнтаў кіраўнікі выбарчых штабоў Віктара Бабарыкі, Сяргея Чэрачня, Валерыя Цапкалы і Святланы Ціханоўскай вырашылі сустрэцца і абмеркаваць магчымасць супрацы. Што праўда, ніякіх гучных заяў па заканчэнні гэтай сустрэчы не з’явілася. Удзельнікі сустрэчы абмежаваліся агульным фота і агульнымі ж словамі.
Ці здолее хаця б частка ўдзельнікаў выбарчай кампаніі калі не аб’яднацца, то пачаць супрацоўнічаць і каардынаваць свае дзеянні? Ці не позна гэта рабіць і што дасць такая каардынацыя?
На гэтыя ды іншыя пытанні ў жывым эфіры Еўрарадыё адказваюць кіраўнік штаба прэтэндэнта ў прэзідэнты Сяргея Чэрачня Мікалай Лысянкоў і паліттэхнолаг штаба прэтэндэнта ў прэзідэнты Валерыя Цапкалы Ілля Дабратвор.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
