Сяргей Румас лічыць, што беларуская эканоміка пакуль не пачала папраўляцца

Каментуючы прычыны высокіх працэнтных ставак на фінансавым рынку Беларусі, Румас нагадаў, што такая сітуацыя цягнецца з 2011 года. Па яго словах, якія перадае БелаПАН, для 2011-2012 гадоў высокія працэнтныя стаўкі "былі абсалютна нармальнай сітуацыяй". У наступныя гады, згодна з чаканням ўрада, узровень працэнтных ставак павінен быў зніжацца, нагадаў Румас.

Ён назваў некалькі прычын таго, чаму не адбылося такое зніжэнне: "Гэта і неспрыяльная кан'юнктура на знешнім рынку ў гэты перыяд, і пытанні канкурэнтаздольнасці айчыннай прадукцыі, і, вядома, ўзрослы з сярэдзіны 2012 года аб'ём фінансавання дзяржаўных праграм".

Таксама кіраўнік Банка развіцця звярнуў увагу на ўсё яшчэ высокія параметры інфляцыі. Па яго словах, папярэднія звесткі студзеня сведчаць, што наша эканоміка не пачала аднаўляцца.

 
Як паведамлялася раней, у студзені інфляцыя ў Беларусі склала 1,6%. Афіцыйны прагноз ўрада па інфляцыі на 2014 год — 11%.

Фота — ctv.by