Сёлета "Белавія" пачне палёты ў Жэневу
Новы рэйс адкрыюць з 17 снежня.
Палёты ў Швейцарыю будуць выконвацца на самалётах Embraer 175, CRJ-100/200, Boeing 737-500 тры разы на тыдзень па аўторках, пятніцах і нядзелях. Як інфармуе БЕЛТА, білет у адзін бок будзе каштаваць ад 248 еўра (у бізнэс-класе — ад 579 еўра), а туды і назад — ад 275 еўра.
"Белавія" спадзяецца, што новы рэйс зацікавіць не толькі бізнэсменаў, але і транзітных пасажыраў ды турыстаў.
Фота — bymedia.net
