Сёння завяршаецца ўтварэнне ўчасткаў для галасавання

26 ліпеня завяршаецца ўтварэнне ўчасткаў для галасавання на выбарах у Палату прадстаўнікоў Беларусі.
Як паведаміў сакратар Цэнтрвыбаркама камісіі Мікалай Лазавік, участкі для галасавання ўтвараюць раённыя, гарадскія выканаўчыя камітэты, мясцовыя адміністрацыі па ўзгадненні з адпаведнымі акруговымі выбарчымі камісіямі і "з улікам мясцовых абставінаў".

Лазавік зазначыў, што ўчастак утвараецца пры ўмове галасавання на ім ад 20 да 3.000 выбаршчыкаў. Папярэдне мяркуецца, што на выбарах будзе больш за 6,5 тысяч ўчасткаў для галасавання.

БелаПАН