С’юзан Бойл не стала намінанткай Brit Awards

Зорка рэаліці-шоў "Britain's Got Talent" С’юзан Бойл, чыя дэбютная пласцінка "I Dreamed A Dream" была прызнаная самай паспяховай пласцінкай года ў Вялікабрытаніі, засталася без намінацый на Brit Awards-2010.  Намінанты на галоўную музычную прэмію Злучанага Каралеўства былі абвешчаныя ў Лондане вечарам 18-га студзеня.

Фаварытамі цырымоніі ўзнагароджання, якая адбудзецца 16-га лютага ў зале Earls Court Arena брытанскай сталіцы, сталі калектыў Florence + The Machine, спявачкі Lady GaGa, Лілі Ален, Піксі Лот і бойз-бэнд JLS - кожны з іх атрымаў па тры намінацыі. Як адзначае BBC News, акрамя С’юзан Бойл без намінацый таксама засталіся такія паспяховыя артысты як U2, Arctic Monkeys і Беёнс.

Фота: daiteka.ru