Таварыскі матч паміж "Мінскам" і "Маладзечна-2018" спынілі праз масавую бойку
ФК "Маладзечна-2018" / t.me/fcmolodechno
Таварыскі матч паміж "Мінскам" і "Маладзечна-2018" спынілі праз масавую бойку. Каманды нават не сталі гуляць другі тайм.
Прычыны інцыдэнту пакуль не паведамляюцца. Афіцыйна заўлена, што матч спынены "па ўзаемнай згодзе".
Такім чынам, сустрэча скончылася пасля першага тайма з лікам 1:0 на карысць "Мінска". Гол на 45-й хвіліне забіў Джыме. Бойка завязалася якраз пасля гэтага голу.
"Мінск" выступае ў Вышняй лізе чэмпіяната Беларусі. Клас "Маладзечна-2018" пакуль ніжэйшы. Але каманда мае ўсе шансы сёлета трапіць у "вышку", бо ўпэўнена ўзначальвае табліцу ў Першай лізе. І тады сталічны клуб рэгулярна будзе сустракацца на полі з футбалістамі з Маладзечна.
