Тэрарысты ў Луганску ствараюць КДБ і "Смерш"
Пра гэта паведаміў кіраўнік самаабвешчанай так званай "Луганскай народнай рэспублікі" Валерый Болатаў.
Ён адзначыў, што "Смерш" — контрразведвальная структура — будзе ўваходзіць у склад "Камітэта дзяржаўнай бяспекі". "Смершаўцам" паставілі задачу змагацца супраць шпіёнаў і дыверсантаў.
Нагадаем, контрразведвальны орган пад назвай "Смерш" існаваў падчас Другой сусветнай вайны ў Савецкім Саюзе. Болатаў заявіў, што новаствораная структура зоймецца пошукам вінаватых у гібелі расійскіх журналістаў, інфармуе РІА "Новости".
Варта адзначыць, што на мінулым тыдні з прапановай стварыць "Смерш", арганізацыю для выяўлення і барацьбы са здраднікамі, выступіў камандзір украінскага батальёна "Данбас" Сямён Сяменчанка. Аднак пра рэакцыю на гэта ўкраінскіх сілавікоў і прэзідэнта Пятра Парашэнкі нічога невядома.
Фота — ria.ru
