Тэрыторыю каля амбасады Францыі ачаплялі міліцыянты
Прычынай стаў партфель, забыты на прыпынку грамадскага транспарту.
Як інфармуе БЕЛТА, каля 19.40 праваахоўнікі атрымалі паведамленне пра падазроны прадмет на прыпынку грамадскага транспарту "Плошча Свабоды". Побач знаходзяцца Мінская гарадская ратуша і амбасада Францыі.
Прыбыўшы на месца, міліцыянты выявілі на прыпынку пакінуты партфель. Было прынята рашэнне ачапіць прылеглую тэрыторыю і правесці догляд прадмета. Выявілася, што ў забытым партфелі знаходзяцца асабістыя рэчы і газеты. Ужо а 20-й ачапленне было знятае, прыпынак пачаў дзейнічаць у звычайным рэжыме.
Фота — tourismnews.by
