Той самы таксіст, які выратаваў хлопца ад сілавікоў, распавядае, як усё было

Еўрарадыё знайшло таго самага таксіста, які ўвечары пасля "тайнай інаўгурацыі" Лукашэнкі выратаваў пратэстоўцу ад сілавікоў. Яго завуць Яўген, яму 21 год.

Пасля таго вечара ён знік без слядоў — але праз некалькі дзён знайшоў нас. І распавёў, што сілавікі, спрабуючы спыніць яго, білі яго электрашокерам, а ў машыне акрамя яго была дзяўчына.

Жэня пачыніў машыну і яшчэ нейкі час працаваў у таксі — ён кажа, што яго не шукалі. Цяпер хлопец з'ехаў за мяжу, і мы нарэшце можам апублікаваць гэтае відэа. Глядзіце, як усё было.