У апошні дзень лета будзе пераважна без дажджоў і да +24
31 жніўня ў Беларусі чакаецца да 24 градусаў цяпла. Пра гэта БЕЛТА інфармуе са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сіноптыкі прагназуюць пераменную воблачнасць, пераважна без ападкаў. Толькі месцамі па поўначы Беларусі пройдуць невялікія дажджы. Уначы і зранку ў асобных раёнах магчымы туман. Вецер будзе паўночна-заходні 2-7 метраў за секунду.
Уначы тэмпература паветра будзе +8...+13. Месцамі сіноптыкі абяцаюць ад 5 да 7 градусаў вышэй за нуль. Удзень чакаецца 18-24 са знакам "плюс".
У Мінску ўдзень будзе 18-20 градусаў цяпла.
