У аўторак у Беларусі чакаюцца дажджы і навальніцы
У аўторак, 22 жніўня, у Беларусі чакаюцца дажджы і навальніцы. Уначы ападкі прагназуюцца пераважна на ўсходзе нашай краіны (месцамі — моцныя дажджы), удзень — амаль па ўсёй краіне. У начныя гадзіны і раніцай на захадзе магчымы слабы туман. Вецер будзе паўночна-заходні, 3-8 метраў за секунду, падчас навальніц з парывамі да 14 метраў.
Уначы тэмпература паветра складзе 10-16 градусаў цяпла, у дзённыя гадзіны — ад +16 да +22 градусаў, на ўсходзе Магілёўшчыны — да +25.
На бягучым тыдні ў Беларусі чакаецца прахалоднае надвор’е з дажджамі. Пацяплее ў пятніцу, 25 жніўня. У канцы тыдня дзённая тэмпература будзе дасягаць месцамі 29-30 градусаў цяпла.
